Kal mili thi safar me ek ajnabi yun hi ....
jana to tha wahin jahan manjil thi meri...
fir na jane kyun beech raah me utar gyi vo.....
kuch leke to naa gyi sang apne....
par kuch bhool gyi jo hai paas mere....
shayad kuch lamhe hain vo....
kuch kahe to kuch unkahe hain vo...
kuch bhooli bisri yaadein hain... kuch pyaar bhari baaten hain....!!
kuch sapne hain jo dekhe the usne kisi aur ki aankhon se...
kuch kahaniyan jo sunati thi vo mujhe anjaan raston pe …..
aansu hain jo gire the mere daaman pe uski aankhon se chalak kar….
Vo khushbu hai saanson me…jo di thi usne gale mil ke….
Kuch ruswaaiyaan thi uski ….. kuch shikayaten thi meri…
Kuch vaade the uske… Kuch Mannatein thi meri…!!
Sab yahin chhod gyi hai…..
Jane vo kyun mujhse mooh mod gyi hai…
jane kaisa hogi vo in sab ke bina…
Shayad adhura sa… ya fir akela tanha….
Musafir tha kashti ka…. Kinara dekh kar utar gya….
Ab raah takna bhi shayad theek nahi ….
Koi vada thode hi ki thi usne lautne ka…!!
Par shayad mujhpar uska karj baki hai abhi….
Isliye seene me bhi dard baaki hai abhi…………………!!
Pal me hi bichhad gayi vo….
Pal me hi badal gayi vo….
Kal tak jo saath thi mere…
Pal me hi jaane kahan kho gayi vo…!!
Pal mein saara manjar badal gaya…
Khushi ka jaamana dukh ki raat me badal gaya….
Main khada hi rah gaya…
Aur vo bhut door nikal gai…!!
Main nahin jaanta ki agale pal kya hoga mere sath…
Par jise chaha tha bas wahi naa hogi mere paas…!
Meri zindagi ab badal hi jaayegi….
Chahat meri ab sapno me hi so jayegi…!!
Har waqt jiske intejaar me tha gujaara….
Usne hi naa mujhe dil se pookara…..!!
Har lamha jiski soch me ye dil dooba raha….
Usi ki amaanat hai ye ki….
Dil ab hai dard sah raha …!!
No comments:
Post a Comment