"WO" Apni Tehrir Mein Likhti Hai"

This poem is purely specially for YOU....khaas aapke liye

Kya kya baatein 

wo apni tehrir mein likhti hai, 

ek nayi takdeer 

meri takdeer me likhti hai, 

wo aisi hamdard ke, 

apne pyar ke saare lafz, 

mere haathon ki lakeer mein likhti hai,

 koi raaz chhupana shayad 

pasand nahi use, 

wo apna har khawab 

khuli taabir mein likhti hai, 

main uska ek man-chaha qaidi hoon 

issi liye naam mera 

wo zulfon ki zanjeer mein likhti hai, 

bol uthe ek ek taassur 

us ke chehre se, 

Saari kahani wo 

apni tasveer mein likhti hai, 

khoob chehekti hai 

wo khat ke pehle hisse mein, 

lekin dil ki sachi baat 

aakhir mein likhti hai, 

jis khoobi se 

pehchana jaye koi shakhs, 

qudrat wo khoobi 

uske khoon-e-khameer mein likhti hai… 

Kya kya baatein 

wo apni tehrir mein likhti hai...