Wo Train Wali Pyaari LAdki...aur wo Pyaari Raat.....

Bus 2 din pehle ki hi baat hai , jab main bangalore se mumbai aa rha tha...Kuch dino banglore me waqt guzarne ke baad wapas ghar jaa rha tha. Main kis liye bangalore gaya tha ....khair ye to sabko pata hi hai jo log mujhe jaante hain. Meri train evening ki thi. Main aaram se saari packing karke ghar se nikal ke theek on time station pahunch gya...Train 1 hr late thi...Wahin station me main ek bench pe baitha hua tha...chup chaap gumsum sa....bus kuch life ke bare me soch rha tha ki pata nhi aage kya hone wala hai....aur mujhe kaise kya karna hai....phir main achanak ek book stall pe chala gya ..wahaan jake maine ek novel kharidi...phir aake main bench pe aake baith gya aur ek cup coffee leke peene laga...

                             Tabhi mere bagal me ek LADKI aa ke baith gayi....main nhi janta tha ki wo kaun thi....kahan se aayi thi aur kahan jaa rhi thi.....usko dekhte hi mere andar maano ek alag si energy aa gyi....maine jaldi se cofee pee liya aur bus use thoda thoda dekhne laga....jaise dekha jata hai ladko ke hisaab se....jab bhi mauka milta to dekhta...wo coffee pee rahi thi aur head phone pe shayad song sun rahi thi...

Main aapko bus thoda detail us LADKI ke baare me batata hun - uska chehra oval shape tha, baal kaale aur curly the...uske chehre ko tho maano ki kitni fursat me banaya hoga...aankhon me kajal lagaya hua...aakhen bahut kuch bol rhi thi...matlab ki bina dekhe hi tumse bahut kuch bol deti ho...uske hoth jaise gulabi pankhuri jaise komal the...dono hoth maano bus usi ke liye bane ho...uske gaal ke ek side ka dimple to maano main fidaa hi ho gya...main bus uske aanko ko aur dimple pe to fida hi ho gya.....meri nazar hi nhi hath rhi thi...lekin main apne aap ko bahut rok raha tha...phir uski height around 5 feet 7 inch ke aas paas hogi...usne red t -shirt, black jacket and green color ki casual pant pehni hui thi...figure bhi almost achi hi thi....slim type...uski umr bhi around 24-26 saal ke aas paas rahi hogi...uske paas ek bada bag aur ek chota laptop bag bhi tha...aur girls ka bag jisme duniya bhar ki cheezen hoti hai...itne me main usse baat karne hi wala tha ki, bus uske baad hamari train aa gyi phir main apne boggy me chala gya aur wo apne boggy me chali gya...

Main phir apne seat pe jaake baith gya aur sochta raha ki KAASH phir se milti to shayad main kuch baat kar sakta tha....uske baad main uske khyalon me aise kho gya mano ki bus mujhe kuch aur samajh hi nhi aa rha tha....phir kuch der baad train me ek family aayi...uski full family...unlogon ne request ki kya aap doosre boggy me jaa sakte hain kya??? kyunki aap akele hain aur hum log family hain....pehle maine mana kiya...phir maine HAAN kar diya....almost 8pm ke aas paas main doosre boggy me chala gya aur main jaise hi wahan gya meri to KISMAT chamak gyi...WO LADKI wahin maujood thi...mere aankho ke saamne mujhe yakeen nhi ho rha tha ki main bus 3 ghante ke andar is ladki se doobara mila...is baar to main soch liya ki kuch ho jaye main to baat karta hi jaounga...


                      Meri to kuch samajh me hi nhi aa rha tha ki main kya karun??? kya bolun ??kaise shuruat karun??? main itna kho gya tha ki ...meri aankhen bahut zyada excited thi kuch bolne ke liye....zubaan pe bahut shabd the...magar kaise shuru karun ye samajh nhi aa paa rha tha....Phir dinner ka time ho gya tha....usne order kiya ...maine bhi order kiya....jaise hi khana aaya .....maine newspaper nikaal ke diya and tissue paper ki shayad use bhi zarurat padegi...ye dono kuch main hamesha main apne saath leke chalta hun travelling ke time pe....maine use wo dono cheezen di...usne THANKS kaha...uski muh nikla pehla shabd mere liye ek starting point tha baat aage badhane ke liye....phir maine bola. - WELCOME....phir dheere dheere main baat karne laga....humlog aadhi raat baat karne lage....phir usi dauraan usne apna naam bataya,  maine bhi apna naam bataya...then again we exchanged our thoughts and feelings, songs , like dislikes n all....maine phir chain ki saans li ki ....ab to raat bhi achi kategi aur next day bhi....kyunki use bhi mumbai hi jana tha...

Phir kuch aur raat ho gyi...12 se zyada ho gya...uske bed upper berth tha....hum dono ek saath wahin baith ke baat karne lage....pure train me hume log dekh rahe the....phir aur baatein hui....kuch jokes hue....phir usi time maine USKI HANSI pehli baar dekhi...ufffff!!!!!!!!! main mar jaawan....kya adaayein thi....usne kaha kya main aapko NEIL bula sakti hun...i said fine....uska naam to main nhi bata sakta lekin maine bhi use ek short form naam ka diya jisse wo kaafi khush hui....wo job kar rhi thi aur MBA distance se bhi kar rhi thi....phir baat karte karte hum log dono ki kab aankh lag gyi pata hi nhi chala....aur maje ki baat ye ho gyi ki MAIN USKE BERTH PE HI SO GYA.....phir kuch ghante baad around 3.30am pe meri neend khuli to maine dekha ki main uske bed pe hun...jaldi se main apne bed pe gya...aur use ache se blanket de ke main bhi so gya...

Morning hui to usne mujhe jagaya...mera bhi upper berth hi tha...just samne wala....meri aankh khuli to dekha saamne WOHI hai...usne aawaz di ki kaafi time ho gya NEIL uth jao....n said GOOOOOOOD MORNING.....phir humne coffee liya ....breakfast kiya...aur usne muhe pucha ki kal tum mere bed pe hi so hi gye the na???? maine bola haan aankh kab lag gyi pata hi nhi chala....uske baad uske hothon pe muskaan si aa gyi...aur at that time main things come...we exchanged our numbers... bus humlog ka time itna jaldi ho gya ki hamare station aa gya....hum logon ne ek doosre ko BYE karte hi rahe...jab tak hum dono ki aakhen ek doosre ko dekhti rahi....

Bus, kya bolun......kya safar rha mera.....kuch baat thi usme...kuch innocent sa tha usme....kuch pyaari bachi type bhi thi wo....kaafi baatein jo usne ki jo mere dil ko chhu gyi....wo raat ko uske bed pe aankh lagna ek sapne se kam nhi tha....bus kya bolun....aaj bhi wo raat kabhi nhi bhul sakta main apne zindagi me....mera LUCK kaho yea uska LUCK ki safar itna acha beeta ki kya bataoun....AAj bhi uska NEIL kahana mere kaano me ek alag sa positive energy deta hai....Bus...kya bolun main...yea to USE KUCH ho gya tha...yea to MUJHE KUCH ho gya...isliye bolte hain na...KUCH KUCH HOTA HAI!!!!!